منتدى الكساد > من تصميماتي

منتدى الكساد > المنتديات العامية > مـــــنـــــتـــدى الــــصـــــــــور

Pages: 1, 2, 3, 4, 5, 6

كشمير الراقي

Nov 19 2008, 03:11 AM

هدي صور موديلات اني مصممها
واللي مش مصدق يجي للمحل ويشوف بعينه
اارجوا ان تعطوا رأيكم فيها
وشكراوانشاء الله تعجبكم
وتعطوا رأيكم
محل كشمير للأقمشه

فينوس الزوية

Nov 19 2008, 12:29 PM

هاي
تعرف انا كل مانخطم من قدام كشمير نقول من هذا اللي يدير فيهم التصاميم وطبعا انت كل فترة وفترة تغيرهم ونقول زعما عنده صور ليهم
عموما الصراحة ذوقك حلووووووووووووووووووووووووووووووووو ماشاء الله
انت قاريه التصميم والا هواية
انا هنا ماطلعوش الصور لكن في المحل نفسه شفتهم ماشااااااااااااااااااااااء الله
لكن انتم في كشمير غاليين هلبا

كشمير الراقي

Nov 19 2008, 04:29 PM

شكرا علي رايك
والله هوايه مش قاريها
ولو تبي اي حاجه تفضلي
معندكش مشكله

helenmav

Nov 19 2008, 06:51 PM

روووووعه
و الله مشاالله عليك
و دوقك

هيا تشاو

hemooo

Nov 19 2008, 08:24 PM

شكرا
دوقك حلو والاحلى الاحمر بلفضى
واوووووووووو روعة تنكيو

بنت عز ما تنهز

Nov 19 2008, 08:47 PM

كشمير

ماشاءالله ربي يوفقكـ، ويزيد إبداعكـ، !!

بس غالي كشمير

كشمير الراقي

Nov 19 2008, 09:18 PM

شكرا

بنت عز ما تنهز

Nov 19 2008, 09:26 PM

نسيتـ نقولـ أني منحبش إلا الحاجة الغالية لأنها في رأيي هيا إلي تقعد

وكشمير مشـ غالي فيهـ السعر المتوسط أيضاً ,,,

ويضل كشمير

كشمير الراقي

Nov 19 2008, 09:35 PM

صحيتي يا بنت العز
اول مناسبه قوليلي نصمملك فستان حلو
زيك

blue rose

Nov 19 2008, 11:08 PM

تصاميم رائعــــــــــة"""ومتنوعة بالألوان ،
بس لاحظت إن ينقصها التنوع" كمـــــــــــــود قصدي،،
يعني ليها نفس القصات ..
لاكن يسلمـــــــــــــــــوا إيديك ، ويعطيك ألف عافية..

كشمير الراقي

Nov 19 2008, 11:17 PM

اسف
اني مش فاهم شن قصدك بالضبط
زيدي اشرحي اكتر

كشمير الراقي

Nov 19 2008, 11:25 PM

معليش نبي نفهمك نقطه الموديلات مش مخيطه يعني قعد قماش
وشاده بالطوبليات
و واضح القماش ورأه
اوكي وشكرا علي تعليقك

naso

Nov 19 2008, 11:36 PM

السلام عليكــم ورحمـة الله وبركاتــه ،،

روعة بصراحة لكن كان تخفضولنا في السعر شوية والله كشمير بيهبلنا ويعطيك الصحة وربي يوفقك ويفتحها قدامك وعليكــم السـلام ورحمة الله وبركاتـه..

كشمير الراقي

Nov 19 2008, 11:51 PM

والله ما غالي
وبعدين جميع الاسعار موجوده

_SoNDos_

Nov 20 2008, 12:29 AM

السلام عليكــم ورحمـة الله وبركاتــه

انا اكثر حاجة نحب نديرها و نستمتع بيها و تاخدني لعالم تاني ...
تصميم الأزياء ...
لكن رسم بس ..

الحق منعرفش كيف ننفد ..
من انا في الإبتدائي و انا نرسم ...
درت كراسات .. و رق ...
قفاطين بدلات .. كنادر شناطي ...
خشيت حتى نرسم رجالي ...
لكن وقفت ...

رغم التشجيع ...

أكثر حاجة عجبتني في تصاميمك الرقي ...
و البساطة في بعضها ...
لأن هذا هوا الأسلوب النادر و المميز ...

و خصوصا الأبيض و الأخضر ..

و الله نهنيك قدرت تنفد أفكارك ...
ماشاء الله ...

نتفكر فيهم القفاطين ... من أيام الاعدادي و انا حشيشتي نتفرج عليهم يوميا كل ما نخطم من غادي ..
توا بعد ما حولنا شفته في رمضان ..
الحق تطور في العرض ...

و سبحان الله القماش تلات ارباع التصميم لو مش حلو ميطلعش حلو ...

تصاميم مميزة ... و موهبة واعدة و فريدة ...
ان شاء الله ربي يباركلك فيها ...

اقتراح ...

ياريت تدير و تورينا قفطان من لون واحد ...
مفيشي هلبا تفاصيل ...

في أمان الله

كشمير الراقي

Nov 20 2008, 12:38 AM

تصدقي اني ما نعرفش نرسم
الفكره اللي في دماغي نحطها
علي المليكان(البنبله)
طول

كشمير الراقي

Nov 20 2008, 01:08 AM

لون واحد بس

انشاء الله يعجبوكم

دمج الترات الاصيل مع الموضه
موديل بالحولي

تازمرايت

Nov 20 2008, 01:28 AM

ماشاء الله .. لاقوة الا بالله... موهبة رائعة..

أهنيك عليها.. واصل ربي يوفقك

بسيطة... ورائعة.. ونادر ماتحصل هالشيء..

اللي عجبوني.. (1,3,8,9,10)

وال 6 , 7 أعتقد انهم دارجين توه.. لانه بدو يرجعو لتصميم الانجليز القديم

خصوصا ال 6 القصة من فوق...

موفق.. ومن ابداع الى ابداع

شكرا على المشاركة

لووولوووو

Nov 20 2008, 01:54 AM

دبور ماشاء الله تصاميك حلو ه
ادا كانت هوايه فعلا حلوه هوايتك واستمر وان شاء الله لما يكون عندي مناسبه خاصه جدا انجيك
بالتوفيق

كشمير الراقي

Nov 20 2008, 01:57 AM

تفضلي في اي وقت
المحل محلك

توليب

Nov 20 2008, 03:11 AM

بصراحة انا من عشاق الموضة والازياء ,
واهتم كثيرا بمتابعة اخر خطوط الموضة ,
وشعارى البساطة المترافقة مع الذوق الرفيع , هي اساس
الاناقة ,

وبصراحة تصاميك جميلة جدا , وتبشر بمستقبل
واعد ان شاء الله ,

اكثر فستان عجبني الاخضر , لاني احب التصميمات
التي على الطريقة الرومانية القديمة , واللون الاخضر
الغامق جميل جدا ,
كذلك الفستان الزهري جميل وايضا فستان الزفاف ,

موفق اخي الكريم , ربي يوقفك ,

شمعة ليبيا

Nov 20 2008, 06:34 AM

تصميمات رائعه
مبدع يا خونا

تي وين المحل هذا

Dr. Midnight

Nov 20 2008, 07:03 AM

السلام عليكــم ورحمـة الله وبركاتــه

ما شاءالله ... ماشاءالله

موهوب بـ معنى الكلمه

ديرلي يوم أنجيك ووريني كيف أدير تصميم من الصفر

و موفق أن شاءالله

و سلام عليكــم ورحمـة الله وبركاتــه

نـور الهـدى

Nov 20 2008, 08:53 AM

السلام عليكم ورحمة الله وبركاته،،

ماشاء الله عليك .. تبارك الرحمن

واكيد محل كشمير غني عن التعريف .. حاجاتكم تهبل

مالا خلاص اكيد لينا تخفيض احنى جماعة منتدى الكساد ولا ؟

ربي يوفقك ويفتحها عليك .. وإستمر

الراوية

Nov 20 2008, 10:39 AM

السلام عليكــم ورحمـة الله وبركاتــه ،،

.
.

شكرا لك ..

صراحة التصاميم تدل على موهبة عندك ماشاء الله ..

بس صراحه أنا من النوع يلي ما نلبس في فساتين .. يعني بدلات رسميه فقط .. مع أني نادرا ما نحضر عرس

..

لكن والدتي وأختي .. يلبسوا في الفساتين .. وبالأخص التي تحمل الطابع الخليجي .. حتى في التسوق أحسن شئ دبي وأبوضبي ..
يعني لو بابا طالع أو حد من العائله نلقوها فرصه .. باش نشروا من غادي ..

لذا لو كان في محلك فاستين محتشمه .. زي متعت الخليج بالضبط ياريت تعرض عينه باش نشروا منك.. بارك الله فيك ..

ولو تحط الموضوع في الدعايه والإعلان أفضل .. بارك الله فيك

العروسة

Nov 20 2008, 10:56 AM

اوووو قفاطين سواري وسهرات

عقلي عقلي القفاطين

اسمع كان اني انجيك وانجيب معاي لتصميم والفصالة

وانخيط اكتر من قفطان ...اديري ديسكاوند مليح

نبي قفطان غريب عجيب نلبسه انى بس بس بس

بالله عليك رد عليا

عاشقه العصبان

Nov 20 2008, 12:45 PM

انى اللى عجبنى هو الوردى فى الرصاصى ... اول واحد

والاخضر

لكن غااااااااااااااااااااااااااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااااااااااااااااااااااااااااااااااااااا
اااالى

الراوية

Nov 20 2008, 01:13 PM

إن شاء نديروا زيارة .. للصاله .. مش أني طبعا ماما .. ونعطوا رأي ..

مدام الشيخي

Nov 20 2008, 01:55 PM

السلام عليكــم ورحمـة الله وبركاتــه ،،

تحياتي

ازياء روعه بس الاحمراء اجمل واحد عجبني موووووووووووووووووووت بس ممكن اتقوالي المحل في اي مكان ممكن سؤال فضوالي انت الي امصمم الازياء هذوما ؟
وعليكــم السـلام ورحمة الله وبركاتـه..

مدام الشيخي

مدمنة الكساد

Nov 20 2008, 02:50 PM

تـحفـة بـكـل مـاتحمله الكلمة من معني ...

مشكور .... ولو مافيش مانع تقول وين المحل بالظبظ ؟

ملكة الكون

Nov 20 2008, 03:26 PM

مشكور عليهم هما كلهم حلوين واحلهم الاحمر

كشمير الراقي

Nov 20 2008, 04:20 PM

والله اني الي مصممهم
المحل في قرقارش سوق الواحات محل كشمير

pupil

Nov 20 2008, 04:32 PM

حلوات هلبة

شكرا

spotlight

Nov 20 2008, 04:34 PM

مبدع ومنافس قوى لمصممين عالمين

نتكلم يجديات
موفق وعرض حلو صح غاليين بس قماشاتكم فريدة واصلية تستاهل حقها
موفق
ليك تحياتى

entemar

Nov 20 2008, 05:17 PM

الله اكبر على التصاميم وبجد حاجة رووووعه
مع تحياتي
الورفليه

كشمير الراقي

Nov 20 2008, 05:33 PM

شكرا
الحق مكنتش نتوقع التفاعل هدا كله
والردود الحلوه اللي تخلي الواحد مفتخر بنفسه
شكرا
وانشاء الله حنزلكم صور موديلات تاني

simsim

Nov 20 2008, 07:28 PM

ماشالله عليك والله تصاميم وذوق مش عادي
وانا زبونه من زباين كشمير وبصراحه حاجات روعه
ربي ايوفقك

Spider Girl

Nov 21 2008, 02:31 AM

بجديات حلوات بكل معنى الكلمة

حلو حلو حلو
ماااااشاااااااء الله

بس ماشفتش حاجة للقصير

نبي تصميم للفساتين القصيرة
يعني تكون مابين فوق الركبة بشوية لحد الركبة

asma_2010

Nov 21 2008, 02:23 PM

ماشاء الله
بالصراحه تصاميم حلوه ورائعه

تحياتي ليك

serien

Nov 21 2008, 03:34 PM

السلام عليكم

الموديلات كلها تهبل وتجنن بس خسارة للكبار

اسمع بالله عليك نزل موديلات لعمري سن 16 سنة مش عدل بكل راه

سرين عجبوها الموديلات ياريتني كبيرة

love is gone

Nov 21 2008, 07:09 PM

مشـــاءالله..

دوق سليــم..

حلوااااااااات عـ الاخــــــر...

كشميــر الاقمشــه متــاعه مش عااديه..

زيدنــا منهم الحااجات الحلووة هيا..

يسلــم دوقكـ...

rem

Nov 21 2008, 08:49 PM

مشاء الله عليك
حلوين كلهم
وانا ان شاء الله جايتك
امتى الاوقات اللى تفتح فيها المحل

فرفوره الحلوه

Nov 21 2008, 09:14 PM

مديره المدرسه

Nov 21 2008, 09:22 PM

ماشاء الله على التصاميم الحلوة

وانى مرة جيت للمحل وصممنا عندك فستان

لكن المصممة كانت بنت

تصميم رائعه والاقشمة تهبل

عيد ميلادى يوم الاحد ونبى القفطان الاحمر هديتى

فرفوره الحلوه

Nov 21 2008, 09:24 PM

حلوات موديلاتك يادبور

وانشاء الله تولي مصمم كبير

لانا دوقك حلو هلبه واني جيتك للمحل ومصمملي فستان حلو

كشمير الراقي

Nov 22 2008, 01:46 AM

يا مديره المصممه اللي لقيتيها خياطه
وانتي دللي مش خساره فيك

♥CRYSTALheart♥

Nov 22 2008, 01:49 AM

مش عارفة الحق هما كلهم قالوا حلوين
بسـ انا مانحبش النوعية هذه

بس حلوة منك استمــ

ـــر

كشمير الراقي

Nov 22 2008, 02:12 AM

اي نوعيه تحبي انتي
واني نصممها علي خاطرك
تفضلي المهم نرضوك

الحب الصامت

Nov 22 2008, 09:41 AM

السلام عليكم
هذه فساتين كثير روعة وكل واحد ليه شكله وجماله
ربي يوفقك وانشا الله ديمة في تقدم

العروسة

Nov 22 2008, 09:47 AM

هيا عاد وين باقي التصاميم

بالله نبو قفصان بالردي يعنى بالحولي

وماتبخلش علينا بالصور

This is a "lo-fi" version of our main content. To view the full version with more information, formatting and images, please click here.